Boas colegas! Pois nada, parece que isto vai remantando e por iso mesmo me sinto moi triste… Agora o que me toca é reflexionar sobre o meu paso pola materia e todo o que fixemos, así que, sen máis, vou comezar:
En primeiro lugar, contarvos que a
profe, Bea, un dos primeiros días mandounos facer unha dinámica que consistían
en escribir nun papel os roles que creíamos que podían ter os/as compañeiros/as
do noso grupo no mesmo, así como tamén o que pensábamos que teríamos nós. Esta
mesma dinámica realizámola tamén un dos últimos días que tivemos clase e agora
que xa sei os roles que os meus compañeiros e compañeiras me asignaron teño que
decir que con algúns deles estou de acordo mentras que con outros non, posto
que considero que non teñen razón. Nestes roles que me asignaron e dos que vos
estou a falar percibin algúns cambios, algúns para mellor, outros para peor e
outros mantivéronse. Non sei ben cal pode ser a razón disto, especialmente dos que foron a peor, máis que nada
porque dende o meu punto de vista algúns compañeiros e compañeiras non teñen
dereito a poñer iso porque eles e elas mesmas non foron moi colaborativos.
En segundo lugar vouvos falar da
Webquest que deseñamos. Esta, como futuro docente, así como tamén no meu futuro
alumnado potenciará diferentes competencias e habilidades como por exemplo a de
adquirir competencias dixitais. Creo que ten moitas vantaxes pero a principal é
que ti mesmo, como docente podes elaborar as túas propias actividades, contidos,
obxectivos… e como único inconveniente destaco a súa creación porque no meu
caso nunca fixera unha.
En terceiro lugar, e en relación ao
contrato de traballo que pactamos coa profe, dicirvos que me parece unha
excelente e magnífica idea, xa que, aínda que por veces resultaba algo
agobiante ter unha data fixada para a entregar de traballo, isto é de gran axuda porque así sempre sabíamos o que
tiñamos que facer, o que xa tiñamos feito e o que nos quedaba por facer, deste
xeito levabamos todo ao día.
En cuarto lugar, vou facer unha pequena
reflexión sobre a materia. Hei de recoñecer que ao comezo non era moi amiga das
novas tecnoloxías, non sabía utilizalas con fins didácticos e productivos e non
entendía de que xeito estas podían axudar tanto a docentes como a alumnado.
Despois do meu paso por esta materia deime conta de que as chamadas TIC poden
ser de gran axuda e dado que na sociedade na que vivimos xa están implantadas
paréceme importante sabelas usar e facer un bo uso das mesmas. Eso si, sen
olvidar os libros de papel que considero que son moi importantes tamén. Quero
destacar unha cousa desta materia que me encantou facer, a exposición e
presentación oral do noso proxecto na aula, foi unha exposición pouco común,
nunca fixera unha exposición dinámica, creativa, innovadora.. todas as feitas
anteriormente tratáronse de exposicións formais e serias e penso que a realizada nesta materia me pode servir de moito porque aínda que a simple vista pareza moito máis sinxela necesita moita preparación.
E
xa para rematar e que esto non se extenda máis (que xa bastante longo é jaja) agradecervos
a vós, os meus amigos e amigas os Folerpas, os nosos seguidores, que estiverades
aí xa que sen vós esto non tería sentido! :) Gracias tamén á miña profe Bea por
ensinarme tantas cousas, descoñecidas ata agora, sobre as novas tecnoloxías.
Sen
máis, despedirme de todos vós folerpas e dicirvos que vos botarei moito de menos
pero que se tedes algunha dúbida non dubidedes
en contactar con nós que estaremos encantados de solucionárvola!
¡ A Folerpa Uxía lévavos no corazón !
Uxía Gamallo Mariño.
Ningún comentario:
Publicar un comentario